Alban yn cyhuddo Cameron o ‘ymyrryd’

 


Senedd yr Alban
Mae David Cameron yn ceisio “ymyrryd” gyda hawliau democrataidd pobol yr Alban drwy osod amodau ynglŷn â sut a phryd y dylid cynnal refferendwm ar annibyniaeth, yn ôl Dirprwy Brif Weinidog yr Alban heddiw.

Yn ôl adroddiadau, mae Llywodraeth San Steffan yn ystyried cynigion i roi’r hawl gyfreithiol i Senedd yr Alban gynnal refferendwm ar annibyniaeth ond ar sail cwestiwn Ia neu Na yn unig, a bod yn rhaid cynnal y refferendwm o fewn amser penodol, sef tua 18 mis.

Ar raglen BBC Andrew Marr dywedodd y Prif Weinidog David Cameron y byddai’n cyhoeddi cyngor cyfreithiol o fewn y dyddiau nesaf a fyddai’n datrys y mater mewn modd “teg, cyfreithiol a phendant.”

Ond wrth siarad ar raglen Today ar BBC Radio 4 dywedodd Dirprwy Brif Weinidog yr Alban Nicola Sturgeon bod hyn yn “ymdrech i ymyrryd mewn penderfyniad a ddylai gael ei wneud gan Lywodraeth yr Alban”.

“Fe gawson ni ein hethol ar sail ein hymrwymiad i gynnal refferendwm yn ail hanner y tymor seneddol,” meddai.

“Fe ddylai penderfyniad am ddyfodol yr Alban gael ei wneud gan bobol yr Alban. Dyna beth yw democratiaeth.”

Dywedodd David Cameron nad oedd yn ceisio gorchymyn wrth yr Alban beth i’w wneud ynglŷn â’r refferendwm ond dywedodd bod yr ansicrwydd am ei dyfodol yn gwneud niwed i’r economi.

Yn ôl llefarydd ar ran Prif Weinidog yr Alban Alex Salmond, fe fyddai ymyrraeth gan Lywodraeth San Steffan yn rhoi hwb i’r ymgyrch am annibyniaeth.

Dywedodd: “Y mwyaf mae Llywodraeth San Steffan yn ymyrryd yn y broses, yna cryfhau fydd y gefnogaeth am annibyniaeth.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer