Rhyddhau corff Joanna Yeates

 


Cadarnhawyd heddiw fod corff Joanna Yeates wedi ei ryddhau i’w theulu er mwyn iddyn nhw ddechrau cynllunio ar gyfer ei hangladd.

Cafodd archwiliad post-mortem ei gynnal yr wythnos diwethaf gan batholegydd ar ran Vincent Tabak, clywodd Llys y Goron Bryste heddiw.

Dywedodd Michael Fitton, sy’n cynrychioli Vincent Tabak, fod Dr Nat Carey wedi cynnal yr archwiliad ddydd Mercher diwethaf.

“Gyda’i ganiatâd rydym ni wedi caniatáu i gorff yr ymadawedig gael ei ryddhau,” meddai Michael Fitton.

Ymddangosodd Vincent Tabak o flaen y llys drwy linc fideo o Garchar Long Lartin yn Swydd Worcester.

Pennwyd 4 Hydref yn ddyddiad dros dro ar gyfer yr achos llys.

“Fe fyddwch chi yn ymddangos o flaen llys eto ar 4 Mai,” meddai’r Barnwr wrth Vincent Tabak. “Bryd hynny fe fyddwch chi’n gweld beth yw manylion y cyhuddiadau yn eich erbyn chi.”

Doedd dim cais am fechnïaeth ac fe gafodd Vincent Tabak – cymydog drws nesaf Joanna Yeates – ei gadw yn y ddalfa.

Ymddangosodd Vincent Tabak o flaen llys am y tro cyntaf yr wythnos diwethaf wedi ei gyhuddo o ladd y pensaer tirwedd 25 oed.

Diflannodd hi ar 17 Rhagfyr a daethpwyd o hyd i’w chorff ar Ddydd Nadolig, tair milltir o’i chartref.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd