Mae’r heddlu yn Southport yn chwilio am letywr ar ôl i’w landlordes a’i mam gael eu darganfod yn farw.
Cafwyd hyd i Angela Holgate, 54 oed, a Alice Huyton, 75 oed, gan berthynas yng nghartref Angela Holgate ger Southport nos Sadwrn.
Mae’r heddlu’n trin eu marwolaeth fel rhai amheus ac mae ditectifs yn awyddus i holi eu lletywr Barry Morrow, 51, oedd yn byw yng nghartref Angela Holgate yn Heol Fairhaven, Churchtown.
Mae’n debyg bod Barry Morrow wedi teithio i Ffrainc neu Sbaen.
Cafodd Alice Huyton ei gweld am y tro olaf ar nos Wener pan adawodd ei chartref yn Southport i ymweld â’i merch.
Roedd Angela Holgate wedi bod yn sâl ac heb gael ei gweld ers yr wythnos flaenorol.
Aeth perthynas i’r tŷ ddydd Sadwrn a darganfod eu cyrff. Dywedodd gŵr Alice Huyton, sydd yn ei 80au, ei fod wedi ei synnu o glywed am farwolaeth y ddwy. Roedd Angela Holgate yn fam i ddwy ferch ac wedi cael ysgariad.
Roedd car Angela Holgate, Citroen gwyn, hefyd wedi diflannu.
Mae’r heddlu yn apelio am wybodaeth.