Protestwyr Cadeirlan Sant Paul yn sefyll yn gadarn

 


Mae protestwyr gwrth-gyfalafiaeth sy’n gwersylla tu allan i Gadeirlan Sant Paul wedi dweud na fyddan nhw’n symud o’r safle er iddyn nhw gael gorchymyn swyddogol i adael am 6pm heno.

Ddoe, roedd Corfforaeth Dinas Llundain wedi rhoi gorchymyn i’r protestwyr i symud eu pebyll o gwmpas y gadeirlan erbyn  heno.

Dywedodd y gorfforaeth y byddai’n dechrau cymryd camau cyfreithiol yn yr Uchel Lys petai’r protestwyr yn gwrthod symud cyn hynny.

Ond mae’r protestwyr wedi dweud eu bod nhw’n barod i herio’r gorfforaeth ac apelio yn erbyn y gorchymyn i’w symud o’r safle.

Mae 200 o bebyll tu allan i’r gadeirlan ac mae nhw wedi bod yno ers 15 Hydref.  Dywed y protestwyr y byddan nhw’n cynnal rali tu allan i’r gadeirlan heno.

Fe benderfynodd y gorfforaeth  gymryd camau cyfreithiol ar ôl pythefnos o drafodaethau gyda’r protestwyr.

Roedd y gorfforaeth wedi dweud yn wreiddiol y gallai’r protestwyr aros tan y flwyddyn newydd.

Ond yn ôl cadeirydd polisi Corfforaeth Dinas Llundain, Stuart Fraser roedd y protestwyr wedi gwrthod eu cynnig i adael iddyn nhw aros tan y flwyddyn newydd a doedd dim dewis ganddyn nhw ond cymryd camau cyfreithiol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed