Coronafeirws: galw am hediadau rhwng gwledydd risg isel

 

Mae penaethiaid y diwydiant awyrennau’n galw am ailgyflwyno hediadau rhwng gwledydd risg isel.

Maen nhw’n gofidio am effeithiau economaidd cyfyngiadau’r coronafeirws.

Yn ôl John Holland-Kaye, prif weithredwr maes awyr Heathrow, dylai Llywodraeth Prydain fabwysiadu camau er mwyn penderfynu pa mor beryglus fyddai gwahnol deithiau.

Mae’n rhybuddio y gallai’r economi ddiodde’n enbyd pe bai’r cyfyngiadau’n para amser hir, ac mae’n dweud ei fod yn fater mwy na “mynd ar wyliau”, gan fod 40% o allforion gwledydd Prydain yn mynd ar awyrennau.

“Y diwydiant awyr sy’n rhoi bywyd i economi’r Deyrnas Unedig, felly mae nifer o weithgynhyrchwyr yn dibynnu ar y gadwyn gyflenwi’n dod yn yr awyr, ac mae eu hallforion yn mynd yn yr awyr,” meddai wrth Sky News.

Mae’n dweud y bydd Heathrow yn defnyddio technoleg gwres thermol fel modd o sgrinio teithwyr ar gyfer y feirws o’r wythnos nesaf ymlaen.

‘Risg isel’

Mae nifer y teithwyr wedi gostwng 97% ers dechrau ymlediad y coronafeirws – o gyfartaledd o 250,000 y dydd i lai na 6,000.

Ac mae John Holland-Kaye yn dweud bod niferoedd o’r fath yn achosi “risg isel”.

“Dyma lefel isel iawn o draffig a dw i’n credu y bydd y lefel isel yn parhau cyhyd â bod cwarantîn yn ei le.

“All y cwarantîn ddim bod yn ei le am fwy na chyfnod eithaf byr os ydyn ni am symud yr economi eto.

“Dyna pam ein bod ni’n annog y Llywodraeth i fabwysiadu safonau rhyngwladol cyffredin, gan gydweithio â gwledydd eraill fel y gall traffig ddechrau llifo mewn ffordd arferol rhwng gwledydd risg isel.”

Mae Conffederasiwn Diwydiant Prydain yn cefnogi safbwynt y maes awyr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn