Mae pedwar o bobl wedi cael eu harestio ar ôl i ddyn gael ei drywanu i farwolaeth yn ne Llundain.
Cafodd yr Heddlu Metropolitan eu galw i Southwark toc cyn 5.30yh ddydd Mercher (Mai 13) yn dilyn adroddiadau am ffrwgwd rhwng nifer o ddynion.
Cafwyd hyd i ddyn, y credir sy’n 19 oed, wedi’i drywanu.
Bu’r gwasanaethau brys, gan gynnwys Ambiwlans Awyr Llundain, yn rhoi triniaeth i’r dyn ond bu farw yn y fan a’r lle.
Cafodd tri dyn a dynes eu harestio ger y safle ac maen nhw’n cael eu cadw yn y ddalfa.
Mae’r heddlu’n apelio am wybodaeth.
