Coronafeirws: annog gweinidogion i egluro’r cyfyngiadau

 

Rhif 10 Downing Street

Llun-Sergeant-Tom-Robinson-RLC-CC-BY-SA-2.0

Mae Gweinidogion Llywodraeth Prydain wedi cael eu cyhuddo o yrru “negeseuon cymysg” yn eu hymdrechion i annog pobol i newid eu harferion yn ystod ymlediad y coronafeirws.

Mae angen i’r Llywodraeth fynegi eu neges yn gliriach, meddai Christine Jardine, llefarydd materion cartref y Democratiaid Rhyddfrydol.

“Mae’r mwyafrif o bobl yn awyddus i gydymffurfio gyda’r cyngor ac yn barod i wneud beth bynnag sydd ei angen i gadw ei hunain ag eraill yn saff wrth atal y feirws rhag lledaenu,” meddai.

“Fodd bynnag, mae’n rhaid i’r Llywodraeth wneud ymdrech i fod yn hollol glir ynghylch beth yw ei disgwyliadau a pham eu bod yn angenrheidiol.

“Dyw negeseuon cymysg gan weinidogion ddim ond yn achosi anrhefn a gofidion.”

Sawl neges aneglur

Daw ei sylwadau ar ôl i’r Ysgrifennydd Trafnidiaeth Grant Shapps ddweud na ddylai pobol ddim ond mynd allan i siopa am fwyd “unwaith yr wythnos” os yn bosib.

Ond mae canllawiau’r Llywodraeth yn dweud y dylai pobl siopa “mor anfynych â phosib”, heb gyfyngu ar sawl gwaith y caiff person fynd i’r siop.

Mae’r Aelod Cabinet Michael Gove hefyd wedi dweud wrth bobol am gyfyngu rhedeg i hanner awr.

“Byddwn i’n tybio bod hyd at awr o gerdded, neu hanner awr o redeg neu feicio yn addas i’r rhan fwyaf o bobol,” meddai.

Ond mae canllawiau’r Llywodraeth yn nodi bod “un dull o ymarfer corff, megis rhedeg, cerdded neu feicio – ar ben eich hun neu gydag aelod o’ch teulu” yn cael ei ganiatáu yn y sefyllfa bresennol.

Ar ddechrau mis Mawrth, mynnodd y Prif Weinidog Boris Johnson y byddai’n parhau i ysgwyd llaw gyda phobol.

Mae o bellach yn hunanynysu wedi iddo brofi’n bositif am y coronafeirws gyda “symptomau ysgafn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn