Democratiaid Rhyddfrydol yn gohirio’r ras arweinyddol

 
Jo Swinson, cyn-arweinydd y Democratiaid Rhyddfrydol

Jo Swinson, cyn-arweinydd y Democratiaid Rhyddfrydol

Llun oddi ar wefan y Democratiaid Rhyddfrydol

Mae’r Democratiaid Rhyddfrydol wedi gohirio’r ras am arweinyddiaeth y blaid tan y flwyddyn nesaf yn sgil y pandemig coronafeirws.

Roedd y blaid i fod i ddechrau’r broses o ffeindio olynydd i Jo Swinson, a gafodd ei gorfodi i sefyll i lawr wedi iddi golli ei sedd yn yr etholiad cyffredinol fis Rhagfyr, gydag arweinydd yn cael ei ethol fis Gorffennaf.

Ond dywed y blaid ei bod yn rhoi’r wlad yn gyntaf tra mae’r Deyrnas Unedig yn delio gyda’r “argyfwng mwyaf ers yr Ail Ryfel Byd,” wrth ohirio’r ras tan fis Mai 2021.

Wrth gyhoeddi fod y blaid yn gohirio’r ras am arweinyddiaeth y blaid, dywedodd Llywydd y Democratiaid Rhyddfrydol, Mark Pack: “Mae ein plaid ni wedi penderfynu bod yn rhaid i ni roi’n holl sylw i ddelio gydag effaith y coronafeirws.

“Mae’r Democratiaid Rhyddfrydol wastad wedi rhoi’r wlad yn gyntaf ac rwy’n falch o’r rhan rydym wedi ei chwarae wrth gefnogi gweithwyr y Gwasanaeth Iechyd Gwladol, gofalwyr a phobol hunangyflogedig.

“Byddwn yn parhau i graffu polisïau’r Llywodraeth ac ymladd dros y bobl fwyaf bregus yn ein cymdeithas.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn