Coronafeirws: galw am ryddhau mewnfudwyr o ganolfannau cadw

 

Llun CC0

Fe fydd elusen sy’n cefnogi ffoaduriaid mewn canolfannau cadw yn galw ar yr Uchel Lys i’w rhyddhau nhw ar unwaith os oes ganddyn nhw gyflwr iechyd.

Mae Detention Action o’r farn fod cyfran uchel o’r 1,500 o ffoaduriaid mewn canolfannau’n dioddef o gyflwr sy’n cynyddu’r risg y gallen nhw gael eu heintio â’r coronafeirws.

Ac fe fyddan nhw’n dadlau hefyd na fydd modd symud ffoaduriaid oherwydd y cyfyngiadau teithio, a bod hynny’n gwneud eu cadw nhw mewn canolfannau’n anghyfreithlon.

Yr afiechydon dan sylw yw afiechyd y galon, clefyd siwgr, problemau anadlu, canser ac afiechyd yr iau.

Mae’r elusen yn rhybuddio y gallai nifer fawr o bobol farw oni bai bo nhw’n cael eu rhyddhau.

Y sefyllfa

Mae lle i gredu mai dyma’r achos llys cynta’n ymwneud â’r coronafeirws.

Yn ôl arbenigwyr, gallai hyd at 60% o bobol mewn canolfannau cadw gael eu heintio â’r feirws.

Y prif reswm am hynny, meddai’r elusen, yw fod canolfannau’n orlawn ac mae safonau hylendid yn isel iawn oherwydd prinder glanhawyr a chyfleusterau.

Mae nifer fawr o’r rhai mewn canolfannau’n dod o wledydd lle mae nifer fawr o achosion o’r feirws hefyd, gan gynnwys yr Eidal, Iran a Tsieina.

Yn ôl y Swyddfa Gartref, dylid ynysu unrhyw un yn y ddalfa sydd â symptomau, ond mae hynny’n aneffeithiol, yn ôl yr elusen.

Dywed y Swyddfa Gartref eu bod nhw’n dilyn canllawiau Iechyd Cyhoeddus Lloegr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn