“Rhag eich cywilydd” am brynu mewn panig

 

George Eustice

Portread swyddogol Senedd San Steffan

“Rhag eich cywilydd” yw’r neges i bobol sy’n prynu gormod o nwyddau mewn panig yn sgil y coronafeirws.

Mae pryderon fod pobol yn achosi prinder nwyddau sy’n hanfodol i weithwyr y Gwasanaeth Iechyd wrth fynd allan i bentyrru nwyddau o archfarchnadoedd.

Mae’r weithred wedi arwain at sawl archfarchnad yn addasu eu polisi gwerthu.

Mae cynhyrchwyr wedi gorfod cynyddu eu cynhyrchiant o 50% er mwyn ymateb i’r galw eithriadol.

Yn ôl George Eustice, mae digon o fwyd a nwyddau eraill i bawb heb fod angen pentyrru, ac mae gweithwyr iechyd yn mynd i siopa ac yn dod ar draws silffoedd gwag.

“Byddwch yn gyfrifol wrth siopa a meddyliwch am eraill,” meddai.

‘Cywilydd’

Ond mae Stephen Powis, cyfarwyddwr meddygol y Gwasanaeth Iechyd yn Lloegr, wedi cyhoeddi neges ychydig yn gryfach.

Fe fu’n tynnu sylw at fideo sy’n dangos nyrs yn ei dagrau wrth gyrraedd y siop ac yn methu dod o hyd i unrhyw fwyd ar ddiwedd shifft hir yn yr ysbyty.

“Yn blwmp ac yn blaen, dylen ni oll gywilyddio fod yn rhaid i hyn ddigwydd,” meddai.

“Mae’n annerbyniol.

“Dyma’r union bobol sydd eu hangen arnon ni i ofalu amdanon ni neu ein hanwyliaid yn yr wythnosau i ddod.

“Mae’n hanfodol fod ein gweithwyr iechyd yn gallu cael mynediad i’r hyn sydd ei angen arnyn nhw, drwy beidio â phentyrru a siopa’n hunanol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones