Archfarchnadoedd yn cyflwyno mesurau i atal prynu mewn panig

Diweddarwyd am  

Mae archfarchnad Sainsbury’s yn cyflwyno mesurau i atal pobol rhag prynu nwyddau mewn panig yn sgil y coronafeirws.

Mae’r mesurau’n cynnwys agor eu drysau i’r henoed a phobol fregus yn unig yn ystod awr gynta’r dydd yfory (dydd Iau, Mawrth 18).

Ond bydd yr archfarchnad yn agor am awr ychwanegol ar ddiwedd y dydd er mwyn ymateb i’r galw gan bawb arall.

Bydd gan bobol dros 70 oed a phobol anabl flaenoriaeth wrth ddewis amserau i gael nwyddau i ddrws eu tŷ.

Mewn rhannau o dde-ddwyrain Lloegr, dyw pobol ddim yn gallu cael nwyddau gan Tesco na Waitrose i ddrws eu tŷ oherwydd fod y gwasanaeth dan gymaint o bwysau, ond mae Grant Shapps, Ysgrifennydd Trafnidiaeth San Steffan, wedi llacio rheolau oriau gyrwyr sy’n cludo nwyddau hanfodol.

O yfory ymlaen, bydd Sainsbury’s yn cau eu caffis a chownteri cig, pysgod a pizza, a thri o bob peth fydd yr uchafswm y bydd cwsmeriaid yn cael prynu, a dau o’r nwyddau mwyaf poblogaidd fel papur tŷ bach, sebon a llaeth.

Tesco a Morrison’s

Daw’r mesurau ar ôl i Tesco orfod cyfyngu cwsmeriaid i hyn a hyn o nwyddau, yn enwedig nwyddau hylendid, pasta sych a phapur tŷ bach, ac fe fu’n rhaid diffodd yr ap am gyfnod oherwydd galw mor uchel.

Bydd holl siopau 24 awr Tesco ond ar agor rhwng 6yb a 10yh.

Mae Morrison’s, yn y cyfamser, wedi cyhoeddi y bydd yn creu 3,500 o swyddi er mwyn ateb y galw cynyddol am nwyddau.

Bydd 2,500 o yrwyr a chynorthwywyr yn cael eu cyflogi, yn ogystal â 1,000 o weithwyr canolfannau dosbarthu.

Mae cynlluniau hefyd i agor canolfan alwadau i bobol sydd heb fynediad i’r we.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones