Rhybudd am ddyfodol y diwydiant lletygarwch

 

Sadiq Khan, Maer Llundain

Llun: mc_london_002 (CC ND 2.0) trwy Flickr

Mae rhybuddion y gallai’r diwydiant lletygarwch ddod i ben os na ddaw cymorth gan Lywodraeth Prydain yn ystod pandemig y coronafeirws.

Mae perchnogion tafarndai a bwytai yn galw am weithredu ar unwaith i gefnogi’r diwydiant yn ariannol, ar ôl i’r Prif Weinidog Boris Johnson gynghori pobol ddoe (dydd Llun, Mawrth 16)  i beidio â mynd allan.

Mae Cymdeithas Gwrw a Thafarndai Prydain wedi ysgrifennu ato yn mynnu bod camau brys yn cael eu cymryd i osgoi golli swyddi ar raddfa anferth a chau tafarndai am byth.

“Mae’r diwydiant tafarndai a bragu yn wynebu argyfwng andwyol o ganlyniad i’r canllawiau gyhoeddwyd heddiw gan y Llywodraeth,” meddai Emma McClarkin, prif weithredwr y gymdeithas, yn dilyn y cyhoeddiad.

“Byddwn yn gweld colli miloedd o dafarndai a channoedd o filoedd o swyddi yn y tymor byr os nad oes pecyn gweithredol o greu arian a chyllid yn cael ei ddarparu ar unwaith i’r diwydiant.”

Llythyr

Mae’r llythyr yn galw ar i’r Llywodraeth

  • Ohirio’r raddfa busnes am chwe mis
  • Cynnig taliadau treth gan gynnwys PAYE, TAW a’r dreth gorfforaethol
  • Gohirio taliadau gwasanaeth cwrw am chwe mis
  • Oedi ar godi isafswm cyflogau ym mis Ebrill

“Alla i ddim pwysleisio digon pa mor hanfodol yw gweithredu’n syth,” meddai Emma McClarkin.

“Byddai methu â gwneud yn lladd y diwydiant.”

Dywedodd Maer Llundain, Sadiq Khan ar Good Morning Britain y bore yma;

“Beth sydd angen i’r Llywodraeth ei wneud yw un o ddau beth- unai ei gwneud yn cliriach neu gadarnhau mai gwaharddiad ydi e fel bod y busnesau yma yn gallu hawlio yswiriant, neu gwneud yn siŵr fod y busnesau yn cael rhyw fath o gymorth pe bai hynny yn ariannol, gyda graddfeydd, rhent, neu daliadau,” meddai Sadiq Khan.

“Beth ddylai’r llywodraeth fod yn ei wneud nawr ydi beth mae Macron yn ei wneud, y pethau mae Trudeau yn eu gwneud, y pethau mae Merkel yn eu gwneud nawr.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones