Jeremy Corbyn, 70, yn gwrthod dweud a fydd e’n ynysu ei hun

 
Jeremy Corbyn yn siarad

Jerremy Corbyn

Llun: Chatham House CC2.0

Mae Jeremy Corbyn wedi gwrthod dweud a fyddai’n barod i ynysu ei hun, yn unol â chamau y gallai Llywodraeth Prydain eu cymryd fel rhan o’r frwydr yn erbyn coronavirus.

Ar hyn o bryd, mae disgwyl i’r llywodraeth gyhoeddi cyfres o fesurau, a’r rheiny’n cynnwys gorfodi pobol dros 70 oed i ynysu eu hunain.

Mae arweinydd Llafur eisoes yn 70 oed.

“Dw i’n gwneud beth mae gofyn i bawb arall ei wneud, sef golchi dwylo’n gyson, a sicrhau bod pobol yn y cyfarfodydd dw i’n mynd iddyn nhw’n cael eu gwahanu o gryn bellter.

“Mae ymhlith yr holl fesurau ymarferol y gallwn ni eu cymryd.”

Beirniadu Llywodraeth Prydain

“Rydyn ni’n dioddef pandemig,” meddai Jeremy Corbyn wedyn, wrth feirniadu Llywodraeth Prydain.

“Mae’n ddifrifol iawn, iawn ac mae’r Llywodraeth fel pe baen nhw’n hunanfoddhaus ac ar ei hôl hi ar hyn.

“Maen nhw’n rhoi cyngor sy’n wahanol i’r hyn sy’n cael ei roi ym mron pob gwlad Ewropeaidd arall.

“Mae hyn yn rhywbeth rhyfedd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn