Coronavirus: disgwyl cynlluniau newydd yng ngwledydd Prydain

 

Boris Johnson

Llun: Swyddfa Dramor a’r Gymanwlad trwy Flickr

Mae disgwyl i Boris Johnson gyhoeddi cynllun y Llywodraeth  heddiw (Mawrth 3) i fynd i’r afael â’r coronavirus wrth i wledydd Prydain baratoi i’r firws ledu yn ystod yr wythnosau nesaf.

Bydd cynllun prif weinidog Prydain yn addo “cymryd y camau sydd eu hangen” i reoli’r coronavirus a gwarchod y rhai bregus.

Mae 39 o bobol wedi’u heintio gan y firws yng ngwledydd Prydain hyd yn hyn.

Bydd gwyddonwyr ac arbenigwyr cyfathrebu o’r Llywodraeth a’r Gwasanaeth Iechyd yn cwrdd yn Downing Street er mwyn sefydlu ymgyrch gwybodaeth gyhoeddus.

Mesurau posib

Mesurau eraill o bosib fydd yn cael eu cyflwyno yw:

  • annog pobol i beidio â theithio os nad oes rhaid, gweithwyr i aros adref, a meddygon a nyrsys sydd wedi ymddeol yn dychwelyd i helpu gyda’r cleifion
  • dod â gwirfoddolwyr y gwasanaethau cyhoeddus i helpu i anfon bwyd i ysbytai
  • gohirio digwyddiadau a rhoi mwy o bwerau i swyddogion rheoli ffiniau i weithredu petaen nhw’n gweld rhywun yn dioddef o’r firws.

Pryderon y Gwasanaeth Iechyd

Yn dilyn cyfarfod Cobra ddoe (dydd Llun, Mawrth 2), lle trafododd y gweinidogion “gynllun brwydr”, dywedodd Boris Johnson ei bod  yn “debygol iawn” y bydd y coronavirus yn lledaenu ymhellach.

Ond er ei fod wedi mynnu bod y gwasanaethau iechyd yn barod i ddelio â’r firws, mae grŵp o ddoctoriaid wedi mynegi pryderon na fydd y Gwasanaeth Iechyd, sydd o dan straen yn barod, yn medru dygymod petai’r achosion yn cynyddu.

Yn ôl Cymdeithas Feddygon y DU, dim ond wyth o’r 1,618 o’r meddygon a gafodd eu holi oedd yn teimlo bod y Gwasanaeth Iechyd yn barod am y coronavirus.

Ac er bod ffynhonnell wedi dweud wrth y Press Association y gallai gymryd “misoedd yn hytrach nag wythnosau” cyn y bydd y firws yn cyrraedd ei anterth yng ngwledydd Prydain, mae Comisiwn Ewrop wedi codi lefel risg coronavirus o fewn yr Undeb Ewropeaidd a gwledydd Prydain o gymhedrol i uchel.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones