Gohirio gêm Iwerddon yn erbyn yr Eidal oherwydd coronavirus

 
Stadiwm Aviva, Dulyn

Stadiwm Aviva, Dulyn

Llun: Flickr (William Murphy)

Mae gêm rygbi Iwerddon yn erbyn yr Eidal yn Nulyn wedi cael ei gohirio oherwydd pryderon am y coronavirus.

Cyn y cyhoeddiad, roedd Philip Browne, pennaeth Undeb Rygbi Iwerddon, wedi dweud y bydden nhw’n “cydymffurfio â pha bynnag gyfarwyddyd” fyddai llywodraeth y wlad yn ei gyhoeddi.

Ond dywedodd wrth gyhoeddi’r penderfyniad na ddylid cynnal y gêm “er lles y cyhoedd”.

Mae deg o bobol wedi marw yn yr Eidal o ganlyniad i’r firws, ac mae 370 o achosion wedi cael eu cadarnhau.

Roedd swyddogion iechyd y llywodraeth eisoes wedi argymell y dylai’r gêm gael ei gohirio, ond roedd Philip Browne o’r farn ei bod yn “annheg” disgwyl i Undeb Rygbi Iwerddon wneud penderfyniad o’r fath.

Dywedodd prif swyddog meddygol Iwerddon nad oedd y penderfyniad i alw am ohirio’r gêm “yn un hawdd.”

Ond yn ôl Tony Holohan “dyma’r unig benderfyniad cyfrifol allai gael ei wneud”.

Cafodd nifer o gemau ym Mhencampwriaeth y Chwe Gwlad eu gohirio yn 2001 oherwydd argyfwng clwy’r traed a’r genau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn