Honiadau bod Julian Assange wedi’i gam-drin yn y carchar

 

Julian Assange

Llun: Cancillería del Ecuador CC SA 2.0 trwy Gomin Wicimedia

Mae llys wedi clywed fod Julian Assange, sylfaenydd WikiLeaks, wedi cael ei roi mewn cyffion 11 gwaith a’i ddillad wedi’u tynnu oddi arno ddwy waith ar ddiwrnod ei wrandawiad estraddodi.

Mae’r gŵr 48 oed yn brwydro yn erbyn cael ei estraddodi i’r Unol Daliaethau, lle mae’n wynebu 18 cyhuddiad o ryddhau cannoedd o filoedd o ddogfennau cudd yn 2010 a 2011.

Dywed ei gyfreithiwr, Edward Fitzgerald, ei fod e wedi cael ei gam-drin yng ngharchar Belmarsh.

“Cafodd Julian Assange ei roi mewn cyffion 11 gwaith, ei stripio’n noeth ddwy waith a’i roi mewn pum cell gadw wahanol,” meddai wrth y gwrandawiad.

Dywed fod papurau a gafodd eu rhoi i Julian Assange yn y llys wedi cael eu cymryd oddi wrtho yn Belmarsh ar ôl iddo adael Llys Y Goron Woolwich.

Gallai triniaeth ei gleient fod yn “ddirmyg llys”, yn ôl Edward Fitzgerald.

Ond dywed y Barnwr Vanessa Baraitser nad oes ganddi hi’r grym i roi cyfarwyddyd i’r carchar, ac na all hi weithredu oni bai bod tystiolaeth na all Julian Assange gymryd rhan yn yr achos.

“Os yw hi’n dod i hynny, gadewch i mi wybod os gwelwch yn dda,” meddai.

Hacio a dwyn

Mae Julian Assange wedi cael ei gadw yng ngharchar Belmarsh ers mis Medi ar ddedfryd 50 wythnos am dorri amodau ei fechnïaeth tra’r oedd yn byw yn llysgenhadaeth Ecwador yn Llundain.

Cyrhaeddodd yr adeilad yn 2012 gan osgoi cael ei estraddodi i Sweden dros honiad o drosedd rhyw a gafodd ei ollwng.

Mae Julian Assange wedi cael ei gyhuddo o ddwyn a hacio systemau’r adran amddiffyn cyfrifiadurol, ynghyd â Chelsea Manning, cyn-ddadansoddwr cudd-wybodaeth ym myddin yr Unol Daliaethau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones