Yr Ysgrifennydd Cartref yn gwadu honiadau o “fwlio”

Diweddarwyd am  
Y gwleidydd yn annerch ac yn egluro ei phwynt yn defnyddio ei dwylo

Priti Patel AS

Llun: Policy Exchange CC 2.0 trwy Commons Wikimedia

Mae’r Ysgrifennydd Cartref Priti Patel wedi mynegi ei phryder am “honiadau ffug” sydd wedi cael eu gwneud sy’n honni ei bod wedi bwlio staff a bod diffyg ymddiriedaeth ynddi ymhlith penaethiaid cudd wybodaeth.

Roedd adroddiadau dros y penwythnos fod Swyddogion Cudd Wybodaeth yn gwrthod rhannu gwybodaeth gyda hi oherwydd diffyg hyder yn ei gallu a’i bod yn bwlio staff.

Yn ôl yr honiadau mae Priti Patel yn creu “awyrgylch o ofn” yn yr adran.

Mae’n debyg bod Priti Patel yn “gandryll” wedi mynnu fod Swyddfa’r Cabinet yn cynnal ymchwiliad i’r sïon. Ond nid oes cadarnhad fod cais swyddogol wedi ei wneud,  yn ôl swyddfa’r Cabinet.

Ond mewn datganiad cyhoeddus prin am berthynas gweinidog a’i swyddogion, gwrthododd y Swyddfa Gartref ddydd Sul, (Chwefror 2) fod Priti Patel wedi ceisio symud ysgrifennydd parhaol yr adran, Syr Philip Rutnam yn dilyn cyfres o ddadleuon.

Mewn ymateb, dywedodd llefarydd ar ran y Llywodraeth:

“Mae’r Ysgrifennydd Cartref ac MI5 yn gweithio’n agos ac yn dda, ac mae’r honiadau di-sail yma’n anghywir ac nid yw o fudd cyhoeddus.”

Mewn ymateb i’r honiadau ar BBC Radio 4, dywedodd cyn weinidog Ceidwadol y cabinet Theresa Villiers fod yna elfennau o atgased at wragedd yn y drafodaeth.

“Rydw i wedi cael llond bol ar drafodaethau sbeitlyd am fenywod mewn uwch swyddi cyhoeddus,” meddai.

“Mae’n digwydd dro ar ôl tro a dydw i ddim yn credu’r honiadau yma yn erbyn Priti Patel.”

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones