Bywyd a dyfodol cyflwynwraig ‘wedi eu rhwygo oddi arni’

Diweddarwyd am  
Caroline Flack

Caroline Flack (chwith) gydag Amber Davies, y Gymraes sydd wedi serennu yn Love Island

Llun: Ian West / PA Wire

Mae teulu Caroline Flack wedi cyhoeddi post Instagram a ysgrifennodd y gyflwynwraig, ond na chafodd ei gyhoeddi, ddyddiau cyn iddi gymryd ei bywyd ei hun.

Yn y neges, roedd wedi dweud bod ei bywyd a’i dyfodol wedi ei rwygo oddi wrthi mewn 24 awr.

Disgrifiodd cyn gyflwynwraig Love Island y digwyddiad domestig rhyngddi hi a’i chariad Lewis Burton fel “damwain”.

“Ar Rhagfyr y 12ed 2019, cefais fy arestio am ymosod ar fy nghariad,” dywedodd. “Mewn 24 awr cafodd fy mywyd a fy nyfodol ei rwygo oddi arna i, a’r waliau a gymrodd gymaint o amser i mi eu codi o fy amgylch, wedi eu chwalu.”

“Mewn dim amser rydw i ar lwyfan gwahanol iawn ac mae pawb yn ei wylio yn digwydd.”

“Rydw i wastad wedi cymryd cyfrifoldeb o’r hyn ddigwyddodd ar y noson, hyd yn oed ar y noson ei hun.”

“Ond y gwirionedd yw… damwain oedd e.”

Rhannu’r neges

Rhannodd ei mam, Chris Flack y post yn eu papur lleol yn Norfolk, ble magwyd y gyflwynwraig.

Dywedodd sut yr oedd ei merch wedi cael ei chynghori i beidio rhannu’r post ar y cyfryngau cymdeithasol, ond roedd ei theulu “eisiau i bobl ei ddarllen.”

“Roedd yn disgrifio’r ffordd yr oedd yn teimlo a beth yr oedd hi’n mynd trwyddo, dim mwy na hynny,” meddai ei mam. “Doedd hi ddim yn beio neb nac yn pwyntio bys.”

Yn y neges, aeth Caroline Flack ymlaen i ddweud

“Rydw i wedi derbyn pob cywilydd a beirniadaeth wenwynig o fy mywyd am dros 10 mlynedd, ac eto roeddwn i’n dweud wrth fy hun ei fod yn rhan o’r swydd.”

“Dim cwyno.”

“Y broblem hefo sgubo pethau o dan y carped yw… maen nhw dal yno a rhyw ddiwrnod mae rhywun am ddod a chodi’r carped a’r oll fyddi di’n ei deimlo fydd gwarth a chywilydd.”

Agorodd cwest Caroline Flack heddiw, (Dydd Mercher, Chwefror 19) bedwar niwrnod ar ôl i’r gyflwynwraig 40 mlwydd oed gael ei darganfod yn farw yn ei fflat yn Llundain.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones