Gwahardd Manchester City rhag chwarae yn Ewrop am ddau dymor

 
Pep Guardiola

Pep Guardiola

Llun: Twitter

Mae disgwyl i Glwb Pêl-droed Manchester City apelio yn erbyn gwaharddiad rhag chwarae yng nghystadlaethau Ewrop am ddau dymor.

Maen nhw wedi’u gwahardd am dorri rheolau tegwch ariannol, ac wedi cael dirwy o 30 miliwn Ewro (£24.9m).

Fe ddaw ar ôl iddyn nhw gyflwyno’u cyfrifon o 2012 i 2016 i’r corff rheoli UEFA, ac mae’n ymwneud â derbyn gormod o arian fel rhan o gytundebau noddi’r clwb.

Mae disgwyl iddyn nhw droi at y llys chwaraeon i gael apelio yn erbyn y gwaharddiad.

Mae’r clwb yn beirniadu UEFA am y modd mae’r ymchwiliad wedi cael ei gynnal, ar ôl iddyn nhw ddweud nad yw’r clwb wedi cydymffurfio â’u hymchwiliad.

Diben y rheolau tegwch ariannol yw sicrhau nad yw clybiau’n gwario gormod o arian a mynd i drafferthion ariannol difrifol.

Pe bai’r apêl yn aflwyddiannus, byddai eu lle yng Nghynghrair y Pencampwyr y tymor nesaf yn mynd i’r tîm sy’n gorffen yn bumed yn Uwch Gynghrair Lloegr ar ddiwedd y tymor hwn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones