Beirniadu taith hofrennydd Tywysog Charles… i drafod allyriadau awyrennau

 

Charles, Tywysog Cymru

Llun: Arnaud Bouissou CC0 trwy Gomin Wicimedia

Mae Clarence House wedi amddiffyn Tywysog Charles ar ôl iddo gael ei feirniadu am hedfan dros 100 milltir mewn hofrennydd i fynd i draddodi araith am allyriadau carbon awyrennau.

Fe deithiodd e 125 milltir o’i gartref yn Highgrove i Gaergrawnt i annerch cynulleidfa o wyddonwyr o Brifysgol Caergrawnt sy’n ymchwilio i sut mae lleihau allyriadau carbon sy’n deillio o hedfan.

Mae lle i gredu bod y daith o 368 o filltiroedd wedi costio o leiaf £12,000 ac wedi achosi oddeutu 2.5 tunnell o allyriadau carbon, ac y gallai teithio mewn car fod wedi gostwng yr allyriadau i ddim ond 0.2 tunnell.

“Dydy’r tywysog ddim ynghlwm yn uniongyrchol â phenderfyniadau ynghylch ei drefniadau teithio, ond mae’n sicrhau bod yr holl allyriadau carbon yn cael eu cydbwyso bob blwyddyn,” meddai llefarydd ar ei ran.

“Maen nhw’n cael eu gwneud ar sail yr hyn sy’n bosib o fewn cyfyngiadau amser, pellter a diogelwch.

“Er mwyn iddo ymgymryd â chynifer o ymrwymiadau ag y mae e ledled y Deyrnas Unedig ac o amgylch y byd, mae’n rhaid iddo hedfan weithiau.

“Fel mae e’n aml yn ei ddweud, cyn gynted ag y bo ffordd fwy cynaladwy o deithio, fe fydd y cyntaf i’w defnyddio.”

‘Un rheol iddo fe…’

Mae ymgyrchwyr wedi beirniadu’r daith.

“Mae’n ymddangos mai ei farn e yw fod yna un rheol iddo fe, ac un arall i’r gweddill ohonom ni,” meddai Graham Smith ar ran ymgyrchwyr Republic.

“Byddai gyrru neu ddefnyddio’r trên fod wedi bod yn eithaf hawdd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones