Y Swyddfa Gartref yn beirniadu’r Unol Daleithiau yn achos Harry Dunn

Diweddarwyd am  

Y Swyddfa Gartref, Llundain

Llun: Comin Wicimedia

Mae’r Swyddfa Gartref wedi beirniadu penderfyniad Ysgrifennydd Gwladol yr Unol Daleithiau i wrthod cais i estraddodi gwraig diplomydd sydd wedi cael ei chyhuddo mewn cysylltiad â marwolaeth Harry Dunn.

Dywedodd y Swyddfa Gartref bod penderfyniad Mike Pompeo yn “siomedig” ac yn “atal cyfiawnder” a’u bod yn “ystyried ein hopsiynau ar frys”.

Daeth y cyhoeddiad mewn galwad ffôn i’r Aelod Seneddol Andrea Leadsom, sydd yn cynrychioli etholaeth teulu Harry Dunn, ddydd Iau (Ionawr 23).

“Brwydr”

Cafodd Harry Dunn, 19 oed, ei ladd ar ôl i’w feic modur fod mewn gwrthdrawiad a char y tu allan i safle milwrol yr Unol Daleithiau yn Swydd Northampton ar Awst 27 y llynedd.

Cafodd Anne Sacoolas, 42, ei chyhuddo gan Wasanaeth Erlyn y Goron o achosi marwolaeth Harry Dunn drwy yrru’n beryglus ym mis Rhagfyr.

Ond oherwydd breintryddid diplomyddol roedd wedi cael dychwelyd i’r Unol Daleithiau wedi’r gwrthdrawiad gan arwain at feirniadaeth ryngwladol.

Mae teulu Harry Dunn  wedi dweud nad ydyn nhw wedi eu synnu gan y penderfyniad ond wedi mynnu “mae hon yn frwydr na fydd llywodraeth yr Unol Daleithiau yn ei hennill.”

Dywedodd llefarydd ar ran yr Unol Daleithiau y byddai’n gosod cynsail peryglus petai nhw’n caniatáu’r cais i estraddodi Anne Sacoolas.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones