Galw am ymchwiliad yn dilyn honiadau o hiliaeth yn ystod gêm bêl-droed

Diweddarwyd am  

Baner clwb pel-droed Chelsea

Llun: CC0 trwy www.pixabay.com

Mae Cymdeithas y Peldroedwyr Proffesiynol (PFA) wedi galw ar lywodraeth San Steffan i gynnal ymchwiliad yn dilyn honiadau o hiliaeth yn y gamp.

Roedd honiadau bod Antonio Rudiger, un o chwaraewyr pêl-droed Chelsea, wedi derbyn sylwadau hiliol yn ystod y gêm yn erbyn Tottenham ddydd Sul (Rhagfyr 22).

Dywedodd Antonio Rudiger bod rhai wedi dynwared synau mwnci yn ystod ail hanner y gêm yn Stadiwm Tottenham Hotspur yn fuan ar ôl i Son Heung-min gael ei anfon o’r cae am gicio ato.

Yn ystod y gêm fe fu tri chyhoeddiad – y tro cyntaf i hyn ddigwydd yn ystod gem uwch-gynghrair Lloegr, yn dweud bod “ymddygiad hiliol ymhlith y dorf yn amharu ar y gêm.”

Mae Iffy Onuora, hyfforddwr cydraddoldeb gyda’r PFA wedi annog y llywodraeth i arwain wrth fynd i’r afael a hiliaeth o fewn pêl-droed ac mewn cymdeithas.

Mae’r PFA yn galw am ymchwiliad i hiliaeth a’r cynnydd mewn troseddau casineb o fewn pêl-droed a hefyd yn galw ar yr Adran Ddiwylliant, Cyfryngau a Chwaraeon i fynd i’r afael a’r mater ar frys.

Mae Tottenham wedi dweud y bydd yn cynnal ymchwiliad i’r mater ac yn cymryd camau yn erbyn y rhai oedd yn gyfrifol.

Mae Chelsea wedi croesawu ymateb Tottenham.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones