Ail refferendwm annibyniaeth i’r Alban yn “hawl democrataidd”

 
Y Prif Weinidog Boris Johnson yn cwrdd a Phrif Weinidog yr Alban Nicola Sturgeon yng Nghaeredin

Y Prif Weinidog Boris Johnson yn cwrdd a Phrif Weinidog yr Alban Nicola Sturgeon yng Nghaeredin

Llun: Jane Barlow/PA Wire

Mae Prif Weinidog yr Alban wedi dweud fod gan drigolion y wlad “hawl democrataidd” i gynnal ail refferendwm ar annibyniaeth.

Bydd Nicola Sturgeon yn cyflwyno cais ffurfiol i Senedd Holyrood yng Nghaeredin gael cynnal y fôt, gan ddweud y bydd Llywodraeth yr Alban yn “cyhoeddi’r achos democrataidd manwl tros drosglwyddo’r grym i gynnal refferendwm tu hwnt i unrhyw her gyfreithiol”.

Wedi i’r SNP gipio 48 o seddi’r Alban – a’r Torïaid yn colli hanner eu seddi yno – mae Nicola Sturgeon yn dadlau bod y wlad wedi dewis dyfodol gwahanol i weddill gwledydd Prydain.

Er bod Boris Johnson wedi ennill mwyafrif clir ar gyfer symud ymlaen â Brexit, fe gollodd y Torïaid saith o’u 13 sedd yn yr Alban.

Mae’r SNP wedi bod yn daer o blaid aros yn yr Undeb Ewropeaidd (UE), ac eisiau cynnal refferendwm annibyniaeth fel bod modd i’r Alban aros yn yr UE.

Mae disgwyl clamp o ffrae rhwng y ddau Brif Weinidog tros gynnal ail refferendwm.

“O ystyried yr hyn rwy’n ofni yw cynlluniau’r Llywodraeth Dorïaidd ar gyfer yr Alban, mae ein hawl i ddewis ein dyfodol ein hunain yn bwysicach nag erioed.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones