Ceidwadwyr yn ymddiheuro am Islamoffobia

 
Menyw yn gwisgo'r Niqab

Menyw yn gwisgo’r Niqab

Llun: CC0

Mae James Cleverly, cadeirydd y Blaid Geidwadol, wedi ymddiheuro am yr achosion o Islamoffobia o fewn y blaid, ond mae’n mynnu bod camau yn eu lle i fynd i’r afael â’r sefyllfa.

Mae’n dweud y bydd ymchwiliad yn cael ei gynnal y flwyddyn nesaf, a bod y gwaith cychwynnol eisoes wedi’i gwblhau.

“Ochr yn ochr â’r ymgyrch ar gyfer yr etholiad cyffredinol, rydyn ni wedi bod yn gwneud gwaith paratoadol a byddwn ni’n gwneud cyhoeddiad ffurfiol yn fuan, cyn gynted ag y bydd yr etholiad ar ben,” meddai wrth ralen Pienaar’s Politics ar BBC Radio 5 Live.

“Bydd yn edrych yn benodol ar Islamoffobia o fewn fy mhlaid.

“Fe fydd yn rhaid iddo, yn ôl ei ddiffiniad, edrych ar bethau eraill hefyd oherwydd allwch chi ddim bob amser tynnu’r peth yn ddarnau.”

‘Bwlch mawr’

Wrth gymharu Islamoffobia o fewn y Blaid Geidwadol a’r ffrae am wrth-Semitiaeth o fewn y Blaid Lafur, mae’n dweud bod “bwlch mawr” rhwng y ddau beth.

“Mae graddfa’r broblem o fewn y Blaid Lafur yn enfawr ac yn wahanol, a’r hyn rydyn ni’n ei weld heddiw yw eu bod nhw’n amharod i ymdrin ag e, ac mae hynny’n rhan fawr o’r broblem,” meddai.

“Mae bwlch mawr rhwng y ddau beth.”

Mae’n dweud bod yn “flin” ganddo am yr achosion o Islamoffobia, ac mae’n dweud bod Boris Johnson, prif weinidog Prydain, eisoes wedi ymddiheuro am “sarhau” pobol sy’n gwisgo’r niqab, y benwisg Foslemaidd i fenywod – er nad yw e wedi ymddiheuro am y sylwadau fel y cyfryw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones