“Gallai gwrth-Semitiaeth niweidio ymgyrch etholiadol Llafur”

 
Wyneb John McDonnell

John McDonnell

Llun: Rwendland CCA4.0 Rhyngwladol

Mae John McDonnell, canghellor yr wrthblaid, yn dweud y gallai’r helynt gwrth-Semitiaeth niweidio gobeithion Llafur o ennill yr etholiad cyffredinol ddydd Iau (Rhagfyr 12).

Ond mae’n dweud bod y blaid “wedi gwneud popeth o fewn ein gallu” i ddatrys y sefyllfa, gan gynnwys “ymddiheuro wrth y gymuned Iddewig”, ac mai “nifer fach” o bobol wrth-Iddewig sydd yn y blaid erbyn hyn.

Mae’n wfftio’r awgrym fod 136 o achosion sydd heb eu datrys o hyd.

Serch hynny, mae’n dweud nad y Blaid Lafur yn unig sy’n euog o’r fath ymddygiad.

“Mae angen i ni ddysgu gwersi bob amser, wrth gwrs, a phob plaid felly, nid dim ond y Blaid Lafur,” meddai wrth raglen Andrew Marr ar y BBC.

“Dw i eisiau i ni fod yn esiampl.

“Dw i’n ymddiheuro wrth y gymuned Iddewig oherwydd rydyn ni wedi gwneud iddyn nhw ddioddef.

“Dw i’n dweud wrthyn nhw ein bod ni’n gwneud popeth o fewn ein gallu.

“Rydyn ni eisiau dysgu rhagor o wersi a bod yn esiampl ar gyfer gwrth-hiliaeth, a dyna sut ddylai’r Blaid Lafur fod.”

‘Un achos yn un yn ormod’

Er ei fod e’n dweud bod nifer fach o bobol o fewn y blaid yn wrth-Iddewig, mae’n dweud bod “un yn un yn ormod”.

“Does dim ots gyda fi faint o bobol, mae un person gwrth-Iddewig yn ein plaid yn un yn ormod.

“Yr hyn rydyn ni’n ei wneud yw eu taflu nhw allan yn eu heidiau.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones