Achos Joseph McCann: gwasanaeth yn ymddiheuro am “fethiannau”

 

Yr Old Bailey yn Llundain

Yr Old Bailey yn Llundain

Mae’r gwasanaeth prawf wedi ymddiheuro am “fethiannau” a alluogodd i droseddwr gyflawni cyfres o ymosodiadau ar fenywod a phlant.

Cafodd Joseph McCann, 34, ei ryddhau o garchar yn dilyn gwall gan y gwasanaeth, ac mi fwriodd ati i herwgipio, treisio ac ymosod ar lu o bobol yn Watford, Llundain, a gogledd Lloegr.

Bellach mae Prif Weithredwr Gwasanaeth Carchardai a Phrawf Ei Mawrhydi, Jo Farrar, wedi dweud: “Rydym yn cydnabod y bu yna fethiannau, ac rydym yn ymddiheuro heb amod am ein rhan yn hyn.”

Achos llys

Gwrthododd Joseph McCann fynd i’r achos yn ei erbyn yn yr Old Bailey, a bellach mae wedi cael ei farnu’n euog o’r troseddau canlynol:

  • 10 achos o gam-garcharu
  • Saith achos o drais
  • Un achos o dreisio plentyn
  • Dau achos o achosi gweithgarwch rhywiol heb gydsyniad
  • Saith achos o herwgipio
  • Un achos o ymgais i herwgipio
  • Un achos o achosi plentyn dan 13 i gymryd rhan mewn gweithgarwch rhywiol
  • Tri achos o ymosod trwy dreiddio
  • Un achos o ymosod rhywiol
  • Dau achos o gyflawni trosedd rhywiol yn fwriadol

Cyfres o droseddau

Clywodd y llys ei fod wedi herwgipio dynes yn Watford a’i threisio yn oriau mân y bore ar Ebrill 21.

Er i’r ddynes roi gwybod i’r heddlu am yr ymosodiad, parhaodd Joseph McCann ar ffo ac mi herwgipiodd ddynes 25 oed yn Walthamstow ar Ebrill 25 a’i threisio.

Oriau wedi hynny herwgipiodd dynes ifanc yng ngogledd Lloegr. Bu i’r ddwy ddynes ffoi yn Watford pan gafodd y troseddwr ei daro ar ei ben â photel gan y ddynes 25 oed.

Ar Fai 5 aeth i dŷ dynes trwy dwyll, mi glymodd hi i fyny, ac mi aflonyddodd ei phlant – merch 17 a bachgen 11 – yn rhywiol.

Yn ddiweddarach yn y diwrnod, mi dreisiodd ddynes 71 oed, ac mi herwgipiodd merch 13 oed ac ymosod arni.

Wrth i heddlu ddal fyny ag ef, gorfododd dwy ferch 14 oed i mewn i’w gar gan eu bygwth. Llwyddodd y merched i ffoi, ac yn y pendraw cafodd ei ddal gan swyddogion.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones