Mwy yn defnyddio ap dysgu Gaeleg nag sy’n siarad yr iaith

Diweddarwyd am  
Baner yr Alban

Baner yr Alban

Llun: Wicipedia

Mae gan ap newydd yn yr iaith Aeleg fwy o ddefnyddwyr nag sy’n siarad yr iaith.

Cafodd ap Duolingo ei ddatblygu ar gyfer Diwrnod St. Andrew yr wythnos ddiwethaf, ac roedd 20,000 o bobol wedi cofrestru i’w dderbyn cyn iddo gael ei lansio.

Mae Duolingo bellach yn cynnig mwy na 90 o ieithoedd ar yr ap ar gyfer iOS, Android a’r wefan.

Erbyn hyn, mae mwy na 65,000 o ddysgwyr wedi cofrestru o fewn yr wythnos gyntaf.

Yn ôl Cyfrifiad 2011, mae 57,375 o bobol yn gallu siarad yr iaith, ac mae 5,460 yn rhagor yn dysgu, yn ôl Prifysgol Caeredin – mae hynny’n golygu 62,835 i gyd.

‘Anhygoel’

“Mae cael mwy o bobol yn dysgu ar Duolingo o fewn wythnos nag sy’n gallu siarad yr iaith neu sy’n dysgu yn rhywle arall ar hyn o bryd yn anhygoel,” meddai Colin Watkins, rheolwr Duolingo yr Alban.

“Mae’n dyst i ba mor hawdd, hwyliog ac effeithiol all dysgu ar Duolingo fod, boed yn dysgu Gaeleg yr Alban neu Sbaeneg, Lladin neu Siapanaëg.”

Mae dysgwyr yn gallu dysgu’r iaith drwy chwarae gemau a mynd trwy gyfres o lefelau, ac maen nhw’n dysgu geirfa sy’n addas ar gyfer bywyd bob dydd.

“Mae’r iaith Aeleg yn rhan hanfodol o hunaniaeth ddiwylliannol yr Alban ac rydym am sicrhau bod y rhai sy’n dymuno dysgu a defnyddio’r iaith yn cael pob cyfle i wneud hynny,” meddai John Swinney, Dirprwy Brif Weinidog yr Alban.

“Felly rwy’n croesawu’n gynnes lansiad yr adnodd ar-lein newydd gan Duolingo a fydd yn declyn defnyddiol arall i hybu’r defnydd o’r Aeleg.

“Mae’n eistedd ochr yn ochr â gwefan newydd Learn Gaelic, sy’n cynnwys cyfoeth o ddeunyddiau dysgu i oedolion i’r sawl sydd â diddordeb yn yr iaith.”

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones