Elusen griced “ddim yn cefnogi” ymateb cynulleidfa i ddigrifwr

 

Llun: CC0

Mae elusen griced yn dweud nad ydyn nhw’n cefnogi ymddygiad “lleiafrif” o’r gynulleidfa mewn cinio elusennol, ar ôl i’r digrifwr Nish Kumar orfod gadael y llwyfan cyn gorffen ei set.

Roedd yn perfformio’n rhad ac am ddim yn y digwyddiad yng ngwesty’r Grosvenor yn Llundain ddydd Llun (Rhagfyr 2), ond doedd ei set wleidyddol, asgell chwith ddim yn boblogaidd ymhlith y rhan fwyaf o bobol yn yr ystafell.

Roedd y gynulleidfa’n llafar yn ystod y set, ac roedd cryn dipyn o ymateb negyddol i’r deunydd am Brexit a’r hinsawdd wleidyddol ar hyn o bryd.

Wrth i’r ymateb fynd yn fwy tanllyd, fe fu’n rhaid i gyflwynydd y noson gamu i’r llwyfan, gan geisio annog Nish Kumar i adael.

Ond roedd y digrifwr yn mynnu gorffen ei set, wrth i’r ymateb iddo waethygu.

Yn y pen draw, fe adawodd e’r llwyfan wrth i’r cyflwynydd awgrymu dechrau’r raffl.

Mae Nish Kumar wedi bod yn rhannu ei sylwadau ffraeth am y digwyddiad ar ei dudalen Twitter, gan ddweud mai “un rhôl fara” gafodd ei thaflu a bod honno wedi ei fethu beth bynnag.

Ymateb

“Dydyn ni ddim, a fyddwn ni fyth, yn sefydliad gwleidyddol a dydyn ni ddim yn cefnogi safbwyntiau ein siaradwyr, eu safbwyntiau eu hunain, yn ein digwyddiadau,” meddai’r Lord’s Taverners mewn datganiad.

“Fodd bynnag, dydyn ni ddim ychwaith yn cefnogi ymateb lleiafrif o’r gynulleidfa yn y digwyddiad ddoe.

“Cafodd ymaddangosiad Nish Kumar ei drefnu mewn modd didwyll ac fe roddodd o’i amser yn rhad ac am ddim i gefnogi’r elusen a’n gwaith.

“Mae’n dilyn traddodiad hir o westeion comedi yn y digwyddiad.”

Celfyddydau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones