Beirniadu’r pleidiau am drio sgorio pwyntiau wedi London Bridge

Diweddarwyd  
Boris Johnson a Jeremy Corbyn

Boris Johnson a Jeremy Corbyn yn ystod dadl deledu ITV yn ddiweddar

Llun: ITV / PA Wire

Mae arweinwyr y prif bleidiau wedi cael eu beirniadu’n hallt am drio sgorio pwyntiau gwleidyddol wedi ymosodiad brawychol London Bridge yn y cyfnod cyn yr Etholiad Cyffredinol.

Yn dilyn cyfres o ddadleuon tanllyd dros y penwythnos rhwng Boris Johnson a Jeremy Corbyn, dywedodd y Fonesig Louise Casey – cyn-ymgynghorydd y llywodraeth ar gydlyniant cymunedol – fod y ddwy ochr yn gorsymleiddio’r mater.

Ac mae cyn-weinidog cyfiawnder y Torïaid, Phillip Lee – sydd bellach wedi mynd at y Democratiaid Rhyddfrydol – wedi ymosod ar Boris Johnson, gan ei gyhuddo o “ddweud celwydd a chamarwain” yn sgil y drasiedi.

“Nid yw’n briodol i Boris Johnson – dyn sy’n adnabyddus am ei ddiffyg manylder, i droi hyn yn wleidyddol, a gwneud sylwadau am rywbeth sy’n eithaf cymhleth mewn gwirionedd,” meddai Phillip Lee wrth asiantaeth newyddion PA.

“Mwy cymhleth”

Mae’r Torïaid wedi ceisio beio deddfwriaeth a basiwyd o dan y llywodraeth Lafur ddiwethaf am ryddhau’r ymosodwr Usman Khan yn gynnar, gan olygu ei fod wedi’i ryddhau o’r carchar hanner ffordd trwy ei ddedfryd. Fe’i cafwyd yn euog o droseddau brawychol yn 2012.

Cyhuddodd Llafur yn ei dro y Ceidwadwyr o beidio â rhoi digon o arian tuag at y gwasanaethau carchar a gwasanaethau prawf.

Mae Jeremy Corbyn hefyd wedi cysylltu’r modd y cafodd  Usman Khan  ei radicaleiddio â rhyfel Irac.

Fodd bynnag, dywedodd y Fonesig Louise Casey fod y materion yn fwy cymhleth nag yr oedd y naill ochr neu’r llall yn sylweddoli.

“Mae wedi mynd yn wleidyddol iawn, yn gyflym iawn ynglŷn â’r hyn sy’n digwydd mewn carchardai,” meddai wrth The World at One ar BBC Radio 4.

Fe fu Boris Johnson a Jeremy Corbyn mewn gwylnos yn Guildhall Yard yn Llundain bore ma (dydd Llun, Rhagfyr 2) i dalu teyrnged i Jack Merritt a Saskia Jones, a fu farw pan gawson nhw eu trywanu gan Usman Khan.  Cafodd yr ymosodwr ei saethu’n farw gan yr heddlu a chafodd tri o bobol eraill eu hanafu yn y digwyddiad ddydd Gwener (Tachwedd 29).

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones