Nicola Sturgeon yn fodlon cefnogi Llafur – ond nid yn ddiamod

 
Nicola Sturgeon, Prif Weinidog yr Alban ac arweinydd yr SNPLlun: Kenneth Halley CC SA 4.0 (CC SA 4.0)

Nicola Sturgeon, Prif Weinidog yr Alban ac arweinydd yr SNP

Llun: Kenneth Halley CC SA 4.0

Mae Nicola Sturgeon yn dweud y byddai’r SNP yn barod i gefnogi Llywodraeth Lafur leiafrifol yn San Steffan pe baen nhw’n fodlon dileu rhaglen Trident, yn rhoi rhagor o bwerau i Holyrood ac yn cytuno i gynnal ail refferendwm annibyniaeth i’r Alban.

Mae atal Brexit a rhoi terfyn ar lymder hefyd ar restr siopa prif weinidog yr Alban.

Ond ar drothwy’r etholiad cyffredinol ar Ragfyr 12, mae John McDonnell, canghellor yr wrthblaid, yn dweud y gallai gymryd hyd at dair blynedd cyn i Lafur gymeradwyo ail refferendwm annibyniaeth.

Mae Jeremy Corbyn eisoes wedi dweud na fyddai’n digwydd o fewn y tymor cyntaf pe bai’n dod i rym.

Ond mae Nicola Sturgeon eisoes wedi addo refferendwm yn ystod ail hanner y flwyddyn nesaf.

“Fy safbwynt i, a’r safbwynt y byddwn i’n disgwyl i Lafur ei barchu pe baen nhw eisiau cefnogaeth yr SNP, yw’r mater o a fyddai refferendwm annibyniaeth ac mae amseru hynny yn nwylo Senedd yr Alban, nid San Steffan, i’w benderfynu,” meddai.

Mae Nicola Sturgeon yn dweud y byddai’r etholiad yn un llwyddiannus pe baen nhw’n dod i ffwrdd â dylanwad dros lywodraeth leiafrifol.

Mae hi hefyd yn dweud na fyddai ei phlaid fyth yn rhoi rhwydd hynt i Lywodraeth Geidwadol ddod i rym, ac na fyddai hi’n barod chwaith i glymbleidio’n ffurfiol â Llafur.

Ond mae Llafur yn dweud nad ydyn nhw’n barod i ildio i’r cais am ail refferendwm annibyniaeth o dan unrhyw amgylchiadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones