Addewid o £10bn a 20,000 yn rhagor o athrawon yn Lloegr

Diweddarwyd am  
Jo Swinson, arweinydd newydd y Democratiaid Rhyddfrydol

Jo Swinson, arweinydd y Democratiaid Rhyddfrydol

Llun oddi ar wefan y Democratiaid Rhyddfrydol

Mae’r Democratiaid Rhyddfrydol yn addo gwario £10bn y flwyddyn yn ychwanegol, a sicrhau 20,000 yn rhagor o athrawon fel rhan o’u cynlluniau etholiadol.

Mae’r blaid yn lansio’u maniffesto heddiw (dydd Mercher, Tachwedd 20), gan addo gwyrdroi toriadau i ysgolion a gafodd eu cyflwyno yn 2015 drwy neilltuo £4.6bn y flwyddyn nesaf.

Dywed y blaid y bydden nhw’n gwario £10.6bn yn fwy ar ysgolion erbyn 2024-25 nag sy’n cael ei wario ar hyn o bryd.

Fe fyddai’r arian hwnnw’n cael ei neilltuo ar gyfer recriwtio rhagor o athrawon, meddai.

Fe fydden nhw’n sicrhau cyflogau cychwynnol o £30,000 i athrawon, ac yn rhoi codiad cyflog o 3% y flwyddyn dros gyfnod o bum mlynedd.

Bydden nhw hefyd yn neilltuo arian ar gyfer plant ag anghenion ychwanegol neu anableddau, ynghyd â £7bn i wella adeiladau ysgolion.

‘Buddsoddi yn nyfodol ein plant’

“Mae hwn yn fuddsoddiad yn nyfodol ein plant,” meddai Jo Swinson, arweinydd y Democratiaid Rhyddfrydol.

“Dylai ein hysgolion fod o safon fyd-eang, gan helpu pob plentyn i wneud y mwyaf o’r heriau sydd o’u blaenau.

“Ond yn hytrach, maen nhw ar ei hôl hi.

“Mae’r Ceidwadwyr wedi torri arian ysgolion i’r asgwrn ac mae plant wedi talu’r pris, yn enwedig y rheiny â’r anghenion mwyaf cymhleth.

“Mae’n warthus fod rhai ysgolion yn teimlo nad oes ganddyn nhw ddewis ond gofyn i rieni gyfrannu at gyflenwadau, ac yn cau’n gynnar ar ddydd Gwener i gadw’r ddysgl yn wastad.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones