Y Blaid Werdd: addewid i fod yn garbon niwtral erbyn 2030

 
y blaid werdd

Y Blaid Werdd

Logo o wefan y Blaid Werdd

Wrth lansio eu maniffesto, dywedodd y Blaid Werdd y byddan nhw’n buddsoddi £100 biliwn y flwyddyn er mwyn mynd i’r afael â chynhesu byd eang.

Fe fydd yn cynnwys deddfwriaeth ar gyfer “cytundeb gwyrdd newydd” i helpu gwledydd Prydain i fod yn garbon niwtral erbyn 2030.

Mae’r blaid hefyd yn addo Pleidlais y Bobl ar gyfer refferendwm newydd i benderfynu beth fydd perthynas gwledydd Prydain â’r Undeb Ewropeaidd.

Wrth siarad yn lansiad swyddogol maniffesto’r blaid ddydd Mawrth (Tachwedd 19), honnodd cyd-arweinydd y blaid Jonathan Bartley mai eu cytundeb gwyrdd newydd fydd y cynllun “rhyngwladol mwyaf uchelgeisiol yn y byd.”

“Tra mae’r pleidiau eraill yn ceisio dal i fyny, rydym yn bwrw ymlaen gan gyrraedd gorwelion newydd,” meddai.

Fe fyddai’r blaid yn codi arian ar gyfer y cynllun drwy godi trethi, gan gynnwys treth gorfforaethol a fyddai’n codi i 24%.

Wrth drafod Brexit, dywedodd dirprwy arweinydd y blaid Amelia Womack: “Rydym yn cynnig yr unig ffordd ymlaen o lanast refferendwm 2016. Dy’n ni ddim am wylio wrth i eithafwyr yrru ein gwlad dros ochr dibyn.”

Mae’r blaid hefyd wedi addo cynyddu’r arian ar gyfer y Gwasanaeth Iechyd Gwladol gan o leiaf £6 biliwn y flwyddyn, sgrapio ffioedd prifysgol a chyflwyno isafswm cyflog.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones