“Camgymeriad cynhyrchu” oedd hen fideo o Boris Johnson ar Sul y Cofio

 

Boris Johnson

Llun: Wicipedia

Mae’r BBC yn dweud mai “camgymeriad cynhyrchu” oedd yn gyfrifol am ddangos hen fideo o Boris Johnson yn gosod torch ar gofeb ryfel yn hytrach na deunydd o seremoni Sul y Cofio ddoe (dydd Sul, Tachwedd 10).

Cafodd prif weinidog Prydain ei feirniadu ar ôl y seremoni yn Llundain ddoe, ar ôl gosod y dorch â’i ben i waered – a dod yn agos at ollwng y dorch yn gyfangwbl.

Wrth adrodd am Sul y Cofio fore heddiw (dydd Llun, Tachwedd 11), defnyddiodd rhaglen BBC Breakfast ddeunydd fideo o 2016 gyda’r stori.

Sylwodd nifer o bobol ar y camgymeriad, ac roedd neges yn cael ei hail-drydar yn gofyn i’r BBC am eglurhad.

“A allech chi egluro, os gwelwch yn dda, y penderfyniad golygyddol i ddefnyddio’r deunydd hwn o Boris Johnson yn gosod torch yn 2016 ar y bwletin newyddion fore heddiw yn hytrach na deunydd o’r gwasanaeth ddoe?” meddai’r neges ar Twitter.

Eglurhad

Mae’r BBC wedi ymddiheuro am y camgymeriad.

“Fore heddiw ar y rhaglen, fe wnaethon ni ddefnyddio’r deunydd anghywir o wasanaeth Sul y Cofio na chafodd ei ffilmio ddoe,” meddai’r Gorfforaeth mewn datganiad.

“Camgymeriad cynhyrchu oedd hwn, ac rydym yn ymddiheuro am y gwall.”

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones