“Dim sail” i honiadau teulu Harry Dunn am ymddygiad Dominic Raab

Diweddarwyd am  
Dominic Raab, yr Ysgrifennydd Brexit

Dominic Raab, y cyn-Ysgrifennydd Brexit

Llun trwy wikimedia Commons CC BY 3.0

Mae’r Swyddfa Dramor yn dweud nad oes “dim sail” i honiadau teulu Harry Dunn fod Dominic Raab, Ysgrifennydd Tramor San Steffan, wedi camddefnyddio’i swydd.

Fe fu’r teulu’n ceisio gwyrdroi penderfyniad y Swyddfa Dramor i roi hawliau diplomyddol arbennig i Anne Sacoolas ar ôl i’w char daro beic modur Harry Dunn a’i ladd.

Mae lle i gredu y bydd y Swyddfa Dramor yn gwrthwynebu unrhyw gais am adolygiad barnwrol, ac yn ceisio adennill unrhyw gostau a ddaw yn sgil hynny.

Fe fu teulu Harry Dunn yn pwyso ar y Swyddfa Dramor i ddileu’r cyngor a gafodd ei roi i Heddlu Swydd Northampton i roi hawliau diplomyddol i’r ddynes sydd wedi’i hamau o’i ladd.

Mae cyfreithwyr ar ran y teulu hefyd wedi cynnig yr opsiwn o dalu costau sylweddol am dorri hawliau dynol.

Fe ddigwyddodd y gwrthdrawiad ger safle’r awyrlu yn Croughton yn Swydd Northampton ar Awst 27, ac fe ddychwelodd Anne Sacoolas i’r Unol Daleithiau.

Mae’r Swyddfa Dramor yn gwadu iddo gael ei ladd yn anghyfreithlon, a bod Dominic Raab wedi camddefnyddio’i swydd i helpu Anne Sacoolas.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones