Mwy na 100 o rybuddion llifogydd mewn grym yn Swydd Efrog

Diweddarwyd am  

Llifogydd

Llun: CC0

Mae mwy na 100 o rybuddion llifogydd mewn grym, yn bennaf yn Swydd Efrog, wrth i’r glaw trwm yn yr ardal barhau i achosi trafferthion dros nos.

Mae nifer o bobol wedi gorfod gadael eu cartrefi a ffyrdd wedi cau wedi’r cyfnod gwlypaf ers blynyddoedd mewn rhannau o Swydd Efrog a chanolbarth Lloegr.

Mae cyfanswm o 116 o rybuddion llifogydd mewn grym, meddai llefarydd ar ran y Swyddfa Dywydd.

Ddydd Iau (Tachwedd 7) bu’n rhaid i drigolion adael 35 o gartrefi yn Mansfield ar ôl tirlithriad yn yr ardal a bu cannoedd o bobol yn cael lloches yng nghanolfan siopa Meadowhall yn Sheffield oherwydd llifogydd ar y ffyrdd a thagfeydd traffig.

Bu’n rhaid i’r ganolfan siopa ganslo ei digwyddiad Nadolig ar y funud olaf nos Iau ond erbyn hynny roedd cannoedd o bobol eisoes wedi cyrraedd.

Dywedodd yr heddlu bod rhai pobol wedi cael eu gorfodi i aros yn y ganolfan siopa dros nos ar ôl methu gadael y maes parcio.

Fe fu trafferthion oherwydd y llifogydd yn Doncaster hefyd ac roedd Afon Don wedi gorlifo’i glannau gan achosi llifogydd yng ngorsaf drenau Rotherham ac ardaloedd eraill.

Bu’n rhaid defnyddio cychod i helpu symud pobol o ganolfan siopa Parkgate yn Rotherham neithiwr ar ôl iddyn nhw fynd yn sownd oherwydd y llifogydd.

Mae disgwyl i’r glaw glirio erbyn amser cinio ond fe fydd rhybuddion llifogydd mewn lle am rai dyddiau eto, meddai’r Swyddfa Dywydd.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones