SNP yn lansio ei hymgyrch etholiadol

Diweddarwyd am  
Nicola Sturgeon

Nicola Sturgeon

Llun: Kenneth Halley CC SA 4.0

Fe fydd yr SNP yn lansio ei hymgyrch etholiadol yng Nghaeredin heddiw (dydd Gwener, Tachwedd 8).

Mae disgwyl i’r blaid gyhoeddi Bil er mwyn diogelu’r Gwasanaeth Iechyd Gwladol (GIG) rhag cael ei ddefnyddio fel “arf bargeinio”.

Mae disgwyl i arweinydd y blaid, Nicola Sturgeon, ddweud y bydd y Bil, a fydd yn cael ei gyflwyno yn San Steffan yn ystod y Senedd nesaf, yn cael ei gynnwys ym maniffesto’r SNP.

Yn ôl y blaid, fe fydd y Bil Diogelu’r GIG yn sicrhau nad yw’r gwasanaeth iechyd yn cael ei ddefnyddio fel “arf fasnachu” mewn cytundebau masnach.

Er bod polisi iechyd wedi cael ei ddatganoli i Senedd yr Alban, mae Nicola Sturgeon yn honni y gallai Llywodraeth San Steffan “werthu” rhannau o’r GIG mewn trafodaethau masnach.

Mae’r gwrthbleidiau wedi mynegi pryder am y posibilrwydd y gallai rhai o wasanaethau’r GIG gael eu gwerthu i gwmnïau iechyd o’r Unol Daleithiau mewn cytundeb masnach.

Cyn lansio’r ymgyrch etholiadol, dywedodd Nicola Sturgeon bod pleidlais i’r SNP yn “bleidlais i ddianc rhag Brexit a rhoi cyfle i bobl yr Alban ddewis dyfodol gwell fel gwlad annibynnol fel nad ydyn ni’n gorfod poeni am ein GIG yn cael ei werthu gan lywodraeth San Steffan.”

Mae hi wedi galw ar y gwrthbleidiau i gefnogi’r bil.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones