Sefyllfa’r Alban “wedi newid” meddai Nicola Sturgeon am annibyniaeth

 
Nicola Sturgeon

Nicola Sturgeon

Llun: Kenneth Halley CC SA 4.0

Mae Nicola Sturgeon yn dweud bod “pethau wedi newid” yn yr Alban, ar ôl i Boris Johnson wrthod rhoi’r hawl i gynnal ail refferendwm annibyniaeth.

Mae prif weinidog Prydain yn dweud na fydd refferendwm arall tra ei fod e’n brif weinidog, gan ddweud nad oes rheswm dros gefnu ar addewid yr SNP mai refferendwm “unwaith mewn cenhedlaeth” oedd e yn 2014.

Daw ymateb Boris Johnson ar ôl i Nicola Sturgeon gyhoeddi ei bod hi am geisio caniatâd o fewn diwrnodau i’r etholiad cyffredinol fis nesaf i roi cynnig arall ar refferendwm annibyniaeth.

Mae’n dweud ei bod hi’n credu y byddai Jeremy Corbyn, arweinydd Llafur, yn rhoi’r hawl iddi pe bai’n dod yn brif weinidog.

“Dw i ddim eisiau cael un,” yw ymateb Boris Johnson i’r posibilrwydd o ail refferendwm.

“Fe gawson ni un yn 2014, ac fe ddywedwyd wrth bobol Prydain, pobol yr Alban yn 2014 fod hwn yn ddigwyddiad unwaith mewn cenhedlaeth,” meddai wrth raglen Sophy Ridge on Sunday.

“Dw i ddim yn gweld unrhyw reswm dros gefnu ar hynny, ar y sicrwydd hwnnw.”

Mewn rali yn Glasgow, dywed Nicola Sturgeon fod yr Alban “ar groesffordd” ynghylch ei dyfodol yn sgil Brexit, a’i bod yn bryd i Albanwyr “ddewis drostyn nhw eu hunain”.

Mae’r Ceidwadwyr yn wfftio’r galw am ail refferendwm, tra bod y Democratiaid Rhyddfrydol yn cyhuddo Jeremy Corbyn o “hollti’r Deyrnas Unedig” pe bai’n ildio i ddymuniadau’r SNP am refferendwm.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones