Galw am wahardd ffracio’n barhaol, nid dros-dro

Diweddarwyd am  

Ffracio

Llun: Pixabay, CC0, jwigley

Mae Llywodraeth Geidwadol Prydain dan bwysau i sicrhau bod y gwaharddiad dros dro ar ffracio’n dod yn un parhaol.

Mae Llafur yn gofidio mai tacteg etholiadol yw’r gwaharddiad dros dro.

Yn ôl Andrea Leadsom, Ysgrifennydd Busnes San Steffan, mae’r gwaharddiad yn ei le “hyd nes bod gwyddoniaeth yn newid”.

Ac mae’n dilyn ymchwil gan yr Awdurdod Olew a Nwy, sydd wedi codi pryderon am y gallu i ddarogan daeargrynfeydd sy’n gysylltiedig â ffracio.

Mae ffracio’n bolisi gan y Ceidwadwyr ers blynyddol, gyda’r prif weinidog Boris Johnson yn gefnogwr brwd.

Pryderon Llafur

Ond yn ôl y Blaid Lafur, mae angen i’r Ceidwadwyr “ddal i fyny” gyda’r polisi o alw am waharddiad parhaol.

“Mae’n ymddangos bod hwn yn un dros dro,” meddai John Healey, llefarydd tai Llafur wrth Radio 4.

“Mae’n bosib nad gohirio go iawn yw hwn.

“Rhaid i chi gofio fod Boris Johnson wedi dweud rywdro nad oedd e am adael yr un garreg heb ei throi na’i ffracio, felly rwy’n ofni y gallai hwn fod yn agoriad ar ddechrau’r etholiad ac y gallen ni weld ei fod e’n gwneud rhywbeth gwahanol i’r hyn mae’n ei ddweud nawr.”

Mae’r Democratiaid Rhyddfrydol hefyd yn galw am waharddiad parhaol, ac mae ymgyrchwyr amgylcheddol hefyd yn croesawu’r gwaharddiad dros dro.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones