“Mae Alban annibynnol o fewn cyrraedd”

Diweddarwyd am  
Baner yr Alban

Baner yr Alban

Llun: Wicipedia

“Mae Alban annibynnol o fewn cyrraedd” fydd neges Nicola Sturgeon wrth annerch rali annibyniaeth yn Glasgow heddiw (dydd Sadwrn, Tachwedd 2).

A byddai buddugoliaeth i’r SNP yn yr etholiad cyffredinol fis nesaf yn golygu mynd cam yn nes at y nod, yn ôl prif weinidog yr Alban.

Dyma’r tro cyntaf iddi annerch rali annibyniaeth ers y refferendwm aflwyddiannus yn 2014.

“Mae pleidlais dros yr SNP yn golygu pleidlais i ddianc rhag Brexit, ac i roi dyfodol yr Alban yn nwylo’r Alban, ac nid yn nwylo Boris Johnson.

“Yr etholiad hwn yw’r pwysicaf y mae’r Alban wedi’i wynebu yn yr oes sydd ohoni.

“Mae cymaint yn y fantol – mae pobol wedi diflasu’n llwyr ar y llanast yn San Steffan.”

2020

Mae Nicola Sturgeon yn mynnu bod rhaid cynnal y refferendwm nesaf y flwyddyn nesaf.

Bydd hi’n gwneud cais ffurfiol i Boris Johnson cyn diwedd y flwyddyn, meddai.

Hefyd yn siarad yn y rali mae’r aelodau seneddol Mhairi Black, Humza Yousaf a Patrick Harvie.

Ond mae Richard Leonard, arweinydd Llafur yr Alban, yn dweud mai refferendwm yw’r “peth olaf sydd ei angen ar yr Alban”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones