Fydd Llafur ddim yn taro bargen etholiadol, meddai Jeremy Corbyn

 
Jeremy Corbyn yn areithio yn Nhy'r Cyffredin a Diane Abbott wrth ei ochr

Jeremy Corbyn

Llun: Ty’r Cyffredin

Mae Jeremy Corbyn yn dweud na fydd Llafur yn taro bargen etholiadol ag unrhyw blaid arall pe bai etholiad cyffredinol yn cael ei alw.

Ac mae’n dweud y byddai’n “hapus iawn” i frwydro mewn etholiad ar ôl gweld y posibilrwydd o Brexit heb gytundeb yn cael ei ddileu.

Byddai gadael yr Undeb Ewropeaidd heb gytundeb yn “niweidiol iawn”, meddai.

Mae’n dweud bod Boris Johnson yn bwriadu sefydlu cytundebau masnach â’r Unol Daleithiau a Donald Trump, ond mai “cytundeb un ffordd” fyddai unrhyw fargen o’r fath.

Byddai Llafur hefyd yn cynnig y gair olaf ar Brexit i bleidleiswyr, meddai.

Daw ei sylwadau o gynhadledd undeb Unite yn yr Alban.

‘Byddaf yn barod’

“Ar ôl etholiad cyffredinol, bydd gyda ni naill ai prif weinidog Torïaidd neu brif weinidog Llafur, does dim opsiwn arall ar gael,” meddai.

“Dw i’n mynd i frwydro yn yr etholiad hwnnw pan ddaw, eleni, pryd bynnag. Byddaf yn barod amdano.

“Fydd yna’r un fargen ag unrhyw blaid arall, rydym yn brwydro yn yr etholiad hwnnw i’w ennill ym mhob rhan o’r Deyrnas Unedig.”

Mae Boris Johnson wedi cynnig rhagor o amser i ystyried Brexit os yw aelodau seneddol yn barod i gytuno mai ar Ragfyr 12 y bydd yr etholiad cyffredinol yn cael ei gynnal.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones