SNP a’r Democratiaid Rhyddfrydol yn barod i gymeradwyo etholiad cyffredinol

Diweddarwyd am  
Papur pleidleisio'n cael ei roi yn y blwchMichael Swan (CCA3.0)

Mae’r SNP a’r Democratiaid Rhyddfrydol yn barod i gymeradwyo’r etholiad cyffredinol y mae Boris Johnson wedi bod yn galw amdano.

Fe ddaw ar ôl i brif weinidog Prydain gyhuddo aelodau seneddol o gadw “gwystlon” wrth i helynt Brexit barhau.

Fel arfer, byddai angen i ddau draean o aelodau seneddol gymeradwyo etholiad mewn pleidlais yfory (dydd Llun, Hydref 28) er mwyn iddo wireddu ei ddymuniad.

Ond yr awgrym yw fod y ddwy blaid yn barod i gytuno mai mwyafrif yn unig fyddai ei angen, a hynny ar yr amod fod yr Undeb Ewropeaidd yn rhoi estyniad i Brexit tan Ionawr 31.

Byddai etholiad wedyn yn cael ei gynnal ar Ragfyr 9, yn hytrach na Rhagfyr 12 yn ôl dymuniad Boris Johnson.

‘Gwystlon’

Mae Ian Blackford, arweinydd yr SNP yn San Steffan, a Jo Swinson, arweinydd y Democratiaid Rhyddfrydol wedi anfon llythyr at Donald Tusk, llywydd yr Undeb Ewropeaidd, yn galw am estyniad tan Ionawr 31.

Dywed Ian Blackford fod angen etholiad, ond “nid ar delerau’r prif weinidog”.

Dydy Llafur ddim wedi dweud sut y byddan nhw’n pleidleisio yfory, wrth i Jeremy Corbyn ddweud ei fod yn aros i weld penderfyniad penaethiaid Ewrop cyn ymrwymo i benderfyniad.

Mae Llywodraeth Geidwadol Prydain yn parhau i wrthod wfftio Brexit heb gytundeb, gan ddweud fod “pob opsiwn ar y bwrdd o hyd”.

Dywed Boris Johnson fod y Senedd bresennol “wedi dod i’w therfyn” ac na allai “ddal y genedl yn wystlon”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones