Bydd poblogaeth gwledydd Prydain yn pasio 70 miliwn erbyn 2031

Diweddarwyd am  

Llun: CCO

Bydd poblogaeth y Deyrnas Unedig yn cynyddu i fwy na 70 miliwn yn y deng mlynedd nesaf, yn ôl y Swyddfa Ystadegau Gwladol.

Ond bydd graddfa tyfiant y boblogaeth yn arafach na’r hyn oedd wedi’i ragweld yn 2016.

Mae disgwyl i nifer y bobl sy’n byw yng ngwledydd Prydain gynyddu 4.5% yn ystod y 10 mlynedd nesaf, o tua 66.4m yn 2018 i 69.4m erbyn canol 2028.

Mae hyn yn golygu bod disgwyl i’r boblogaeth gynyddu i fwy na 70m erbyn canol 2013, gan gyrraedd 72.4m erbyn canol 2043.

Yn ystod y degawd nesaf mae disgwyl y bydd:

7.2 miliwn o bobl yn cael eu geni
6.4 miliwn o bobl yn marw
5.4 miliwn o bobl yn mewnfudo i’r Deyrnas Unedig
3.3 miliwn o bobl yn allfudo o’r Deyrnas Unedig

Graddfa tyfiant poblogaeth Cymru yn is na gweddill y Deyrnas Unedig

Yn ôl y Swyddfa Ystadegau Gwladol bydd llai o gynnydd ym mhoblogaeth Cymru na gweddill gwledydd y Deyrnas Unedig.

Mae disgwyl y bydd poblogaeth Lloegr wedi tyfu 5% rhwng 2018 a 2028, o’i gymharu â 3.7% yng Ngogledd Iwerddon, 1.8% yn yr Alban tra bydd graddfa tyfiant poblogaeth Cymru wedi tyfu 0.6% rhwng 2018 a 2028.

Arian a Busnes

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones