Parataodau ar y gweill ar gyfer Brexit heb gytundeb, meddai Michael Gove

 

Michael Gove

Llun: Chris McAndrew CC 3.0 trwy Commons Wicimedia

Mae Llywodraeth Prydain yn paratoi ar gyfer Brexit heb gytundeb, yn ôl Michael Gove, sy’n dweud bod aelodau seneddol wedi cynyddu’r risg drwy ofyn am gael ymestyn y broses.

Daeth cadarnhad gan Ganghellor Dugiaeth Lancastr fod Cynllun Yellowhammer yn cael ei weithredu.

Ond mae’r cyhoeddiad yn cael ei weld gan rai fel ffordd o roi pwysau ychwanegol ar aelodau seneddol i dderbyn bargen Boris Johnson.

Mae’r prif weinidog yn mynnu y bydd Prydain yn gadael ar Hydref 31 yn ôl y disgwyl, ac mae’n dweud y bydd yn cyflwyno’r Cytundeb Ymadael i’r Senedd dros y dyddiau nesaf.

“Mae’r risg o adael heb gytundeb wedi cynyddu, mewn gwirionedd, oherwydd allwn ni ddim gwarantu y bydd Cyngor Ewrop yn rhoi estyniad,” meddai Michael Gove wrth Sky News.

“A dyna pam y bydda i, yn hwyrach heddiw, yn cadeirio cyfarfod o’r Cabinet, rhywbeth anghyffredin ar ddydd Sul, er mwyn sicrhau bod y cam nesaf yn ein paratoadau ymadael yn cael eu cyflymu, ynghyd â’n parodrwydd ni ar gyfer [Brexit] heb gytundeb.”

Mae’n dweud ei fod am sicrhau bod Llywodraeth Prydain wedi gwneud popeth posib cyn ymadael heb gytundeb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones