Llafur yn cyhuddo Boris Johnson o ddirmyg senedd

Diweddarwyd am  

Mae Llafur yn honni bod Boris Johnson yn euog o ddirmyg senedd ar ôl ymbellhau oddi wrth gais i ymestyn proses Brexit.

Mae John McDonnell, canghellor yr wrthblaid yn beirniadu’r ffordd y gwnaeth Boris Johnson wrthod llofnodi llythyr y senedd yn galw am ragor o amser i ystyried deddfwriaeth cyn derbyn ei fargen.

Fe ddywedodd Boris Johnson wrth benaethiaid Ewrop mai oherwydd pwysau gan y senedd yn unig y gwnaeth e ddanfon y llythyr.

Cafodd llungopi o’r llythyr heb lofnod ei ddanfon gan ddiplomydd, gyda llythyr atodol yn ei gyfiawnhau ac yn dweud y byddai ymestyn proses Brexit yn “niweidiol”.

“Mae’n debyg ei fod e’n euog o ddirmyg senedd neu’r llys oherwydd mae’n amlwg ei fod e’n ceisio tanseilio’r llythyr cyntaf ac o beidio â llofnodi’r llythyr,” meddai John McDonnell wrth raglen Sophy Ridge on Sunday.

“Mae e’n ymddwyn ychydig bach fel crwtyn bach.

“Fe wnaeth y senedd benderfyniad, fe ddylai gadw at hwnnw ac mae’r syniad yma eich bod yn anfon llythyr arall yn gwrthddweud y cyntaf yn mynd yn groes i’r hyn y mae’r senedd a’r llysoedd wedi’i benderfynu.”

Mae Boris Johnson yn dal i fynnu nad yw’n fodlon ceisio estyniad o’r newydd.

Mae ‘gwelliant Letwin’ yn nodi bod rhaid sicrhau bod deddfwriaeth yn ei lle cyn bod modd ceisio ymestyn Brexit.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones