“Gallai bargen Brexit hollti’r Deyrnas Unedig” – rhybudd cyn-was sifil

 

Gallai bargen Brexit Boris Johnson arwain at hollti’r Deyrnas Unedig, yn ôl yr Arglwydd Kerslake, cyn-bennaeth y Gwasanaeth Sifil.

Daw’r rhybudd wrth i aelodau seneddol gwrdd yn San Steffan am y tro cyntaf ar ddydd Sadwrn ers 37 o flynyddoedd.

Yn ôl yr Arglwydd Kerslake, gallai’r fargen arwain at Alban annibynnol gan y byddai’n anodd gwrthod ail refferendwm.

Mae’n dweud bod y fargen hon yn waeth na’r un flaenorol, ac mai’r unig reswm y cafodd ei chyflwyno oedd am fod San Steffan yn dioddef o “or-flinder Brexit”.

Mae’n dweud mai’r un yw’r fargen hon ag un Theresa May, yn y bôn, a bod yr unig newidiadau sydd wedi cael eu gwneud “am y gwaethaf”.

“Mae cytundeb Johnson yn ei hanfod yn ychwanegu at y risg o dorri’r Deyrnas Unedig i fyny,” meddai.

“Os caiff y cytundeb hwn ei dderbyn, byddai ail refferendwm ar annibyniaeth i’r Alban bron yn amhosib i’w wrthod ac fe fyddai llawer mwy o obaith y byddai’n llwyddo.”

Mae’n galw am ail refferendwm Brexit er mwyn rhoi’r holl fanylion i’r pleidleiswyr yr ail dro.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones