Jennifer Arcuri: “Nid busnes unrhyw un arall oedd ein bywyd preifat”  

Diweddarwyd am  

Boris Johnson

Llun: Chatham House CC 2.0 ar Flickr

Mae dynes fusnes o’r Unol Daleithiau wedi gwrthod dweud a oedd hi wedi cael perthynas rywiol gyda Boris Johnson.

Mae Jennifer Arcuri wedi bod ynghanol ffrae ynglŷn â’i chysylltiadau gyda’r Prif Weinidog pan oedd yn Faer Llundain ond mae hi’n mynnu nad oedd hi wedi cael ei thrin yn ffafriol.

Roedd yr entrepreneur technoleg yn siarad ar raglen ITV Good Morning Britain ar ôl i gyfres o straeon gael eu cyhoeddi yn son am ei chysylltiad â Boris Johnson.

Dywedodd bod Boris Johnson wedi bod i’w fflat “pump, deg, llond llaw o weithiau” gan ei ddisgrifio fel “ffrind da iawn.” Ond ychwanegodd: “Nid busnes unrhyw un arall oedd ein bywyd preifat.”

Yn ôl adroddiadau roedd y cyn-fodel wedi derbyn £126,000 o arian cyhoeddus a mynediad arbennig at dri ymgyrch fasnach dramor oedd wedi cael eu trefnu gan Boris Johnson pan oedd yn faer.

Fis diwethaf cafodd y Prif Weinidog ei gyfeirio at gorff cwynion yr heddlu i asesu a ddylai wynebu ymchwiliad troseddol ynglŷn â’i gysylltiadau a Jennifer Arcuri.

Mae Boris Johnson wedi mynnu bod popeth a wnaeth pan oedd yn Faer “yn dilyn y canllawiau a rheolau cywir yn llwyr.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones