Fydd 5G ddim yn datrys problemau signal cefn gwlad, medd ymchwil

 

Llun: CC0

Fydd gweithredu’r rhwydwaith 5G yng ngwledydd Prydain ddim yn datrys y diffyg signal mewn ardaloedd gwledig, yn ôl ymchwil newydd.

Mae uSwitch.com yn dweud bod ei arolwg barn diweddaraf yn datgelu bod llawer o ddefnyddwyr ffonau clyfar yn dal i gael problemau gyda’r rhwydwaith 4G – a does dim bwriad ganddyn nhw i uwchraddio i 5G gan ei fod, ar hyn o bryd, ddim ond ar gael mewn ardaloedd trefol a dinesig.

Yn ôl yr ymchwil, mae traean o ddefnyddwyr ffonau clyfar yng ngwledydd Prydain yn cael trafferth cysylltu â 4G o leiaf unwaith yr wythnos.

Mae’n ychwanegu mai dim ond 28% o dir gwledydd Prydain – trefi a dinasoedd gan mwyaf – fydd yn gallu derbyn y rhwydwaith newydd erbyn diwedd 2019.

O ganlyniad i hyn, mae uSwitch yn dweud mai dim ond un ym mhob saith o bobol (14%) sydd â chynlluniau i uwchraddio i 5G erbyn diwedd y flwyddyn.

Cefn gwlad o dan anfantais

“All y diwydiant ddim lansio 5G fel datrysiad dros dro er mwyn cuddio methiannau 4G,” meddai Ernest Doku, arbenigwr ffonau yn uSwitch.com.

“Mae angen i ddarparwyr gydweithio â chymunedau i wella cysylltedd, yn enwedig mewn ardaloedd gwledig, ac i atal miliynau o bobol rhag cael eu hamddifadu ar dechnoleg sy’n ddwy genhedlaeth yn rhy hen.

“Oni bai bod rhwydweithiau yn gwella eu signal mewn ardaloedd gwledig, mae yna beryg y gallai 5G wneud yr un camgymeriadau â 4G, a gwasanaethu’r dinasoedd ar draul ardaloedd mwy gwledig y wlad.”

Ddydd Llun (Medi 7) fe gyhoeddodd y Canghellor, Sajid Javid, y bydd £5m yn cael ei wario gan Lywodraeth Prydain er mwyn cefnogi band-eang, 5G a rhwydweithiau cyflym eraill mewn ardaloedd anghysbell.

 

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer