Pennaeth Tesco, Dave Lewis, yn rhoi’r gorau i’w swydd

Mae pennaeth y cwmni archfarchnad Tesco wedi penderfynu camu o’r neilltu ar ôl pum mlynedd yn y swydd.

Yn ôl Dave Lewis, mae ei benderfyniad i adael yn un “personol”. Mae hefyd yn honni bod yr ymdrech i achub y cwmni bellach “wedi ei chwblhau”.

Bydd Dave Lewis, a gafodd ei benodi’n bennaeth ar Tesco ym mis Medi 2014, yn cael ei olynu gan Ken Murphy o gwmni Boots.

Mae disgwyl i Dave Lewis adael ei swydd yn ystod haf 2020.