Cynhadledd y Ceidwadwyr: storm am ymddygiad Boris Johnson

Diweddarwyd am  

Boris Johnson

Llun: Swyddfa Dramor a’r Gymanwlad trwy Flickr

Mae’r Ceidwadwyr yn gobeithio parhau a’u cynhadledd heddiw (dydd Llun, Medi 30) ar ôl i honiadau am fywyd personol y Prif Weinidog daflu cysgod dros ddiwrnod cyntaf y digwyddiad ddoe.

Wrth i aelodau’r blaid ymgynnull ym Manceinion dros y penwythnos, bu’n rhaid i Stryd Downing wadu cyhuddiadau bod Boris Johnson wedi cyffwrdd rhan o goes newyddiadurwraig o dan fwrdd yn ystod cyfarfod preifat.

Yn ôl Charlotte Edwardes, fe ddigwyddodd y digwyddiad yn swyddfeydd The Spectator yn Llundain ychydig wedi iddo gael ei benodi’n olygydd y cylchgrawn yn 1999.

Mae’n honni bod Boris Johnson hefyd wedi cyflawni’r un weithred i’r ddynes a oedd yn eistedd ar yr ochr arall iddo yn ystod yr un  cyfarfod.

Yn ôl swyddfa’r Prif Weinidog: “Dyw’r honiad ddim yn wir.”

Mae’r Prif Weinidog hefyd wedi gorfod gwadu honiadau ynglŷn â’i gysylltiad â’r ddynes fusnes, Jennifer Arcuri, pan oedd yn faer Llundain.

Cyhoeddi cynlluniau newydd

Yn ystod y gynhadledd heddiw, mae disgwyl i’r Canghellor, Sajid Javid, gyhoeddi cynlluniau ar gyfer “chwyldro isadeiledd”, sy’n cynnwys pecyn gwerth £5bn ar gyfer band eang a £220m ar gyfer bysiau.

Yn y cyfamser, bydd yr Ysgrifennydd Tai, Robert Jenrick, yn amlinellu cynlluniau i leihau’r gwaith papur sy’n bodoli yn y maes – cam a all helpu datblygwyr bach i adeiladu tai newydd.

Bydd yr Ysgrifennydd Gwaith a Phensiynau, Therese Coffey, yn cyhoeddi y bydd apiau newydd yn cael eu treialu er mwyn helpu pobol ifanc i ddod o hyd i waith.

Mae disgwyl i’r gynhadledd barhau tan ddydd Mercher (Hydref 2).

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer