“Nid oedd Liam Fox yn creu polisi ar wahan”

 


William Hague
Mae’r Ysgrifennydd Tramor William Hague wedi gwrthod honniadau bod y cyn Weinidog Amddiffyn Liam Fox a’i ffrind Adam Werritty yn ceisio creu polisi tramor ar wahan i un swyddogol y llywodraeth.

“Nid yw un ymgynghorydd neu ddim-ymgynghorydd, beth bynnag ei fod i weinidog, yn gallu cynnal polisi cwbl wahanol i weddill y llywodraeth” meddai.

Wrth gael ei holi gan Andrew Marr ar y BBC dywedodd Mr Hague bod Dr Fox yn hytrach wedi cydweithredu efo’r Swyddfa Dramor ar faterion polisi.

Ychwanegodd Mr Hague y bydd adroddiad Ysgrifennydd y Cabinet Gus O’Donnell ar ymddygiad Liam Fox yn cael ei gyhoeddi “yn ystod y dyddiau nesaf”.

Ymddiswyddodd Dr Fox dydd Gwener diwethaf yn dilyn beirniadaeth am ei berthynas waith efo’i ffrind Adam Werritty. Cyfarfu Mr Werritty â Dr Fox 22 o weithiau yn y Weinyddiaeth Amddiffyn gan ymuno efo fo ar 18 o deithiau swyddogol dramor.

Roedd yn bresennol pan oedd Dr Fox yn cyfarfod aelodau o’r gwasanaethau milwrol, diplomatwyr a ymgymerwyr amddiffyn.

Yn y cyfamser mae’r  heddlu wedi cadarnhau eu bod yn ystyried holi Adam Werritty,  ynglyn â honniadau o dwyll.

Dywedodd llefarydd ar ran Heddlu Dinas Llundain bod “swyddogion o’r  adran trosedd economaidd yn ystyried y mater er mwyn penderfynu os yw’n briodol i gynnal ymchwiliad”.

Mae’r aelod seneddol Llafur, John Mann wedi gofyn i’r heddlu ymchwilio i honniadau bod Mr Werritty wedi twyllo wrth ddefnyddio cardiau busnes  pan roedd yn honni ei fod yn gynghorydd i Mr Fox.

Dywedir bod Mr Werritty wedi derbyn arian gan nifer o gefnogwyr ariannog yn ystod y cyfnod yma.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer